ᓄᓇᓕᒻᒥ ᐊᒻᒪ ᐃᖃᓗᓕᕆᓂᕐᒧᑦ ᐱᓕᕆᔨ
Arctic Fishery Alliance -
Posted : 2023-09-07 Expires : 2023-09-30
Position: On Location
Location's : Qikiqtarjuaq
Job Description
ᐅᑭᐅᑕᖅᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒋᑦ ᑎᒥᖓᑦ ᐱᓕᕆᖃᑎᒌᓐᓂᕐᒧᑦ (AFA) ᐃᖅᑲᓇᐃᔮᔅᓴᒥᑦ ᒪᑐᐃᖓᑎᑦᑎᔪᑦ ᐃᖅᑲᓇᐃᔮᒧᑦ ᓄᓇᓕᒻᒥ ᐊᒻᒪ ᐃᖃᓗᓕᕆᓂᕐᒧᑦ
ᐱᓕᕆᔨ ᕿᑭᕐᑕᖅᔪᐊᒥᑦ
ᓄᓇᓕᒻᒥ ᐊᒻᒪ ᐃᖃᓗᓕᕆᓂᕐᒧᑦ ᐱᓕᕆᔨ (CFLO) ᐃᖅᑲᓇᐃᔭᓂᐊᖅᑐᖅ ᓄᓇᓕᒻᒥᑦ ᓯᕗᒧᒋᐊᖅᑎᑦᑎᓗᓂ ᓄᓇᓕᒻᒧᑦ ᑐᑭᒧᐊᖅᑎᑕᐅᔪᒥᑦ ᓄᓇᖅᐸᓯᒻᒥ ᐃᖃᓗᓕᕆᓂᕐᒧᑦ
ᐱᕙᓪᓕᐊᑎᑦᑎᓂᕐᒧᑦ ᐱᓕᕆᔭᐅᔪᓂᑦ. ᓄᓇᓕᒻᒥ ᐊᒻᒪ ᐃᖃᓗᓕᕆᓂᕐᒧᑦ ᐱᓕᕆᔨ ᑐᓴᕐᕕᖃᓂᐊᖅᑐᖅ ᓄᓇᓕᒻᒥᑦ ᓇᓗᓇᐃᖅᑕᐅᓗᑎ ᐱᑕᖃᕈᓐᓇᖅᑐᑦ ᓄᓇᖅᐸᓯᒻᒥ
ᐃᖃᓗᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᐱᕕᔅᓴᐅᔪᓐᓇᖅᑐᓂᑦ ᐊᒻᒪ ᐊᐅᓚᑦᑎᓗᓂ ᐱᓕᕆᔭᐅᔪᓂᑦ ᐊᑐᓕᖅᑎᑦᑎᓂᖏᓐᓄᑦ (ᓲᕐᓗ, ᑲᑎᒪᑎᑦᑎᓂᐅᔪᑦ,
ᓈᒻᒪᓐᓂᖓᓄᑦ ᖃᐅᔨᓴᕐᓂᐅᔪᑦ, ᐃᖃᓗᓕᕆᓂᕐᒧᑦ ᖃᐅᔨᓴᓂᕐᒧᑦ, ᐃᓕᓐᓂᐊᑎᑦᑎᓂᕐᒧᑦ, ᖃᓯᖏᓪᓗ.). ᓄᓇᓕᒻᒥ ᐊᒻᒪ ᐃᖃᓗᓕᕆᓂᕐᒧᑦ ᐱᓕᕆᔨ ᐅᑭᐅᑕᖅᑐᒥ
ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᖏᓐᓄᑦ ᑭᒡᒐᖅᑐᐃᔨᐅᓂᐊᖅᑐᖅ ᐊᒻᒪ ᖃᐅᔨᒋᐊᕐᕕᓪᓗᐊᑕᐅᓗᓂ ᓄᓇᓕᖓᓂ ᐱᔾᔪᑎᖃᖅᑐᓂᑦ ᐅᑭᐅᑕᖅᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᖏᑦ
ᐃᒪᐃᓐᓇᕐᒥ ᐃᖃᓗᓕᕆᓂᕿᕐᒧᑦ ᐊᐅᓚᓂᖏᓐᓄᑦ ᐊᒻᒪ ᐱᓕᕆᐊᖃᕐᓗᓂ ᐃᑲᔫᓯᐊᓂᑦ. ᓄᓇᓕᒻᒥ ᐊᒻᒪ ᐃᖃᓗᓕᕆᓂᕐᒧᑦ ᐱᓕᕆᔨ ᑐᓴᐅᒪᑎᑦᑎᓂᐊᕐᒥᔪᖅ ᓄᓇᓕᒻᒥᑦ
ᑭᒡᒐᖅᑐᐃᓗᓂ ᐅᑭᐅᑕᖅᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᖏᓐᓂ ᐊᒻᒪ ᐃᖅᑲᓇᐃᔭᕐᓗᓂ ᐊᐅᓚᑦᑎᓗᓂ ᐅᑭᐅᑕᖅᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᓄᓇᓕᒻᒨᖓᔪᓂᑦ
ᐱᓕᕆᐊᓂᑦ, ᐱᓗᐊᖅᑐᒥᑦ ᐱᔾᔪᑎᖃᖅᑐᓂᑦ ᐃᓅᖃᑎᒌᓐᓂᕐᒧᑦ−ᑮᓇᐅᔭᓕᕆᓂᕐᒧᑦ ᐱᓕᕆᔭᐅᔪᓂᑦ. ᓇᓗᓇᐃᖅᓯᓂᐊᖅᑐᑦ ᑖᓐᓇ ᓄᓇᓕᐅᔪᖅ, ᓄᓇᓕᒻᒥ ᓂᕈᐊᖅᑕᐅᓯᒪᔪᑦ,
ᐊᒻᒪ ᐆᒪᔪᕐᓂᐊᑎᒃᑯᑦ ᑲᑐᔾᔨᖃᑎᒌᖏᑦ (HTA) ᑐᓴᐅᒪᑎᑕᐅᖏᓐᓇᕐᓗᑎ ᐅᑭᐅᑕᖅᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᐃᖃᓗᒐᓱᐊᓂᕐᒧᑦ ᐊᐅᓚᓂᖏᓐᓂ ᐊᒻᒪ
ᐃᑲᔫᓯᐊᑦ ᑐᓂᐅᖅᑲᖅᑕᐅᓂᖏᓐᓄᑦ ᐱᓕᕆᔭᐅᔪᑦ. ᐱᒻᒪᕆᐅᔪᖅ ᑖᓐᓇ ᓄᓇᓕᒻᒥ ᐊᒻᒪ ᐃᖃᓗᓕᕆᓂᕐᒧᑦ ᐱᓕᕆᔨ ᓴᖅᑭᑎᑦᑎᓗᓂ ᐊᒻᒪ ᒪᑭᒪᑎᑦᑎᓗᓂ
ᐊᔾᔨᒌᓐᓂᖃᖅᑐᓂᑦ ᑐᓴᐅᒪᑎᑦᑎᓂᕐᒧᑦ ᐅᑭᐅᑕᖅᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᑐᑭᒧᐊᖅᑎᑦᑎᔨᖓᓂ (ᐆᒪᔪᕐᓂᐊᑎᒃᑯᑦ ᑲᑐᔾᔨᖃᑎᒌᖏᑦ ᐃᔅᓯᕙᐅᑕᖅ) ᐊᒻᒪ
ᓄᓇᓕᒻᒥᑦ ᓂᕈᐊᖅᑕᐅᓯᒪᔪᖅ (ᒪᐃᔭ) ᓄᓇᓕᒻᒥᑦ. ᑖᓐᓇ ᐃᖅᑲᓇᐃᔮᖅ ᑲᒪᔨᖃᓂᐊᖅᑐᖅ ᐊᒻᒪ ᐊᖏᔪᖅᑳᖃᕐᓗᓂ ᐅᑭᐅᑕᖅᑐᒥ ᐃᖃᓗᓕᕆᓂᕐᒧᑦ
ᑲᑐᔾᔨᖃᑎᒌᑦ ᐊᐅᓚᑦᑎᔨᖓᓂ ᓄᓇᓕᒻᒧᑦ ᐃᑲᔫᓯᐊᓂᑦ ᐊᒻᒪ ᐱᓕᕆᔭᐅᔪᓂᑦ (MCBR). ᐊᓯᖏᑦ ᐊᐅᓚᑦᑎᔩᑦ ᐃᖅᑲᓇᐃᔭᖅᑏᑦ, ᓲᕐᓗ ᐅᑭᐅᑕᖅᑐᒥ
ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᓄᓇᓕᒻᒥ ᐱᕙᓪᓕᐊᔪᓕᕆᔨ (CDO), ᑐᑭᒧᐊᖅᑎᒍᓐᓇᖅᑕᖓ ᓄᓇᓕᒻᒥ ᐊᒻᒪ ᐃᖃᓗᓕᕆᓂᕐᒧᑦ ᐱᓕᕆᔨ
ᐱᔭᐅᔭᕆᐊᖃᖅᑎᓪᓗᒍ. ᐃᓛᓐᓂᒃᑯᑦ, ᐊᐅᓪᓚᖃᑦᑕᕆᐊᖃᓂᐊᖅᑐᖅ. ᐃᓚᖏᑦ ᐃᖅᑲᓇᐃᔮᖑᔪᑦ ᐃᖅᑲᓇᐃᔮᖑᖃᑦᑕᓂᐊᖅᑐᑦ ᓯᓚᑖᓂ ᐃᖅᑲᓇᐃᔭᕐᓇᐃᑦ ᐃᑲᕋᖏᓐᓂ.
ᓄᓇᓕᒻᒥ ᐊᒻᒪ ᐃᖃᓗᓕᕆᓂᕐᒧᑦ ᐱᓕᕆᔨ ᓂᕆᐅᓐᓂᖃᕆᐊᓕᒃ ᐅᖄᓚᕕᐅᖃᑦᑕᕐᓗᓂ ᐊᖏᕋᖓᓂ ᓯᓚᑖᓂ ᐃᖅᓐᑲᓇᐃᔭᕐᓇᐃᑦ ᐃᑲᕋᖏᓐᓂ. ᓄᓇᓕᒻᒥ ᐊᒻᒪ
ᐃᖃᓗᓕᕆᓂᕐᒧᑦ ᐱᓕᕆᔨ ᐱᓯᒪᑦᑎᔭᕆᐊᓕᒃ ᐅᑯᓄᖓ ᐊᔪᖏᓐᓂᐅᔪᓂᑦ ᒻᒪ ᖃᐅᔨᒪᓂᐅᔪᓂᑦ ᑖᔅᓱᒧᖓ ᐃᖅᑲᓇᐃᔮᕆᒋᐊᖃᖅᑕᖓᓄᑦ:
• ᐅᖃᐅᓯᒃᑯᑦ ᑐᓴᐅᒪᔾᔪᑎᓕᕆᔪᓐᓇᕐᓗᓂ ᐃᓄᒃᑎᑐᑦ
• ᑎᑎᕋᖅᓯᒪᔪᓂᑦ ᐊᒻᒪ ᐅᖃᐅᓯᒃᑯᑦ ᑐᓴᐅᒪᔾᔪᑎᓕᕆᔪᓐᓇᕐᓗᓂ ᖃᓪᓗᓈᑎᑐᑦ
• ᖃᐅᔨᒪᓂᖃᕐᓗᓂ ᖃᕋᓴᐅᔭᓕᕆᔾᔪᒥᑎᓂᑦ Microsoft Office (ᐱᓗᐊᖅᑐᒥᑦ Word, Excel and PowerPoint)
• ᑎᑎᖅᑲᓂ ᖃᕋᓴᐅᔭᒃᑰᑎᑦᑎᓂᖅ
• ᑮᓇᐅᔭᓕᕆᓂᕐᒧᑦ
Responsibilities
ᑐᑭᒧᐊᖅᑎᑕᐅᓪᓗᓂ MCBR ᓄᓇᓕᒻᒥ ᐊᒻᒪ ᐃᖃᓗᓕᕆᓂᕐᒧᑦ ᐱᓕᕆᔨ ᐃᒪᐃᓐᓂᐊᖅᑐᖅ:
• ᑲᑎᖅᓱᕐᓗᒋᑦ ᐊᒻᒪ ᑲᑎᖅᓱᐃᓗᓂ ᒫᓐᓇᐅᔪᒥᑦ ᖃᐅᔨᓴᖅᑎᓂᑦ ᑐᑭᓯᒋᐊᕈᑏᑦ ᐊᒻᒪ ᐃᓄᐃᑦ ᖃᐅᔨᒪᔭᑐᖃᖏᑦ
ᐱᔾᔪᑎᖃᖅᑐᓂᑦ ᓄᓇᖅᐸᓯᒻᒥ ᐃᒪᖓᓄ ᐊᕙᑎᖓᓄᑦ ᖃᓂᒋᔭᖓᓂ ᕿᑭᕐᑕᖅᔪᐊᖅ ᐊᒻᒪ ᑎᑎᕋᖅᓯᓗᓂ ᓄᓇᓕᒻᒧᑦ ᐱᖁᑎᐅᔪᓂᑦ ᐃᑲᔪᕈᓐᓇᖅᑐᓂᑦ ᐱᕙᓪᓕᐊᑎᑕᐅᓂᖓᓄᑦ
ᓄᓇᖅᐸᓯᒻᒥ ᐃᖃᓗᓕᕆᓂᕐᒥᑦ (ᓲᕐ;, ᓄᓇᓕᒻᒥ ᖁᐊᒃᑯᕖᑦ,
ᐅᒥᐊᑦ, ᐃᖃᓗᒐᓱᐊᕈᑏᑦ, ᐱᔪᓐᓇᕐᓂᖃᖅᑐᑦ ᐃᖅᑲᓇᐃᔭᖅᑏᑦ, ᐊᓯᖏᓪᓗ.).
• ᐃᑲᔪᕐᓗᓂ ᑎᑎᕋᕆᐊᓐᖓᖅᑕᐅᓂᖏᓐᓄᑦ ᑐᔅᓯᕋᐅᑎᓕᐅᕈᑎᓂᑦ ᑮᓇᐅᔭᖃᖅᑎᑕᐅᓂᕐᒧᑦ ᐊᑦᑐᐊᓂᓕᓐᓄᑦ ᓇᓗᓇᐃᖅᑕᐅᓯᒪᔪᓂᑦ ᓄᓇᖅᐸᓯᒻᒥ ᐃᖃᓗᓕᕆᓂᕐᒧᑦ
ᐱᕕᔅᓴᐅᔪᓐᓇᖅᑐᓂᑦ, ᐱᖃᓯᐅᑎᓪᓗᑎ ᐃᖅᑲᓇᐃᔭᓂᕐᒧᑦ, ᐃᓕᓐᓂᐊᑎᑦᑎᓂᕐᒧᑦ, ᓱᓇᒃᑯᑖᓄᑦ, ᐃᖃᓗᓕᕆᓂᕐᒧᑦ ᖃᐅᔨᓴᓂᕐᒥᑦ, ᐊᒻᒪ ᓇᒻᒥᓂᖃᓂᕐᒧᑦ
ᐱᕕᔅᓴᐅᔪᓐᓇᖅᑐᓂᑦ..
• ᐱᓕᕆᖃᑎᖃᕐᓗᓂ ᓄᓇᓕᒻᒥ ᓂᕿᓂᑦ ᓂᐅᕐᕈᑎᖃᓂᕐᒧᑦ ᐱᓕᕆᕕᐅᔪᓂᑦ ᕿᑭᕐᑕᖅᔪᐊᒥᑦ ᑖᒃᑯᐊ ᓄᓇᖅᐸᓯᒻᒥ ᐃᖃᓗᓕᕆᖤᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᔭᐅᔪᑦ
ᐃᑲᔪᕐᓂᖃᕐᓗᑎ ᓄᓇᓕᒻᒥ ᓂᕿᓂᑦ ᓂᐅᕐᕈᑎᖃᓂᕐᒧᑦ ᐱᓕᕆᕕᓐᓂᑦ, ᐊᒻᒪ ᑕᒪᒃᑭ ᓇᓕᒧᓐᓂᖃᕐᓗᑎ ᓯᕗᓂᔅᓴᒥᑦ ᑐᑭᒧᐊᖅᑕᖓᓂ ᐃᖃᓗᓕᕆᓂᐅᔪᓂᑦ ᐱᓕᕆᔭᐅᔪᑦ
ᓄᓇᓕᒻᒥ.
• ᐊᐅᓚᑦᑎᓗᓂ ᐱᓕᕆᔭᐅᔪᓂᑦ ᐱᑕᖃᕆᐊᖃᖅᑎᑕᐅᔪᑦ ᐱᓇᓱᐊᕐᓗᒋᑦ ᓄᓇᓕᒻᒧᑦ ᓇᓗᓇᐃᖅᑕᐅᓯᒪᔪᑦ ᓄᓇᖅᐸᓯᒻᒥ ᐃᖃᓗᓕᕆᓂᕐᒧᑦ ᐱᕕᔅᓴᐅᔪᓐᓇᖅᑐᓂᑦ, ᓲᕐᓗ
ᐃᓄᓐᓂᑦ ᑐᓴᖅᑎᑦᑎᓂᕐᒧᑦ, ᐃᓕᓐᓂᐊᕐᓂᓕᕆᓂᕐᒧᑦ, ᐃᖃᓗᓕᕆᓂᐅᔪᓄᑦ ᖃᐅᔨᓴᓂᕐᒧᑦ, ᐊᒻᒪ ᐃᓕᓐᓂᐊᑎᑦᑎᓂᕐᒧᑦ ᑲᑎᒪᓂᕐᒧᑦ.
• ᐃᖅᑲᓇᐃᔭᖃᑎᖃᕐᓗᓂ ᐅᑭᐅᑕᖅᑐᒥ ᐃᓚᒋᓕᐅᔾᔭᐅᓯᒪᔪᑦ ᑮᓇᐅᔭᓕᐅᕋᓱᐊᓂᕐᒧᑦ ᐃᖃᓗᓕᕆᓂᕐᒧᑦ ᐱᓕᕆᔭᐅᔪᖅ (NICFI) ᓇᒻᒥᓂᐅᔪᒥᑦ ᐱᕙᓪᓕᐊᑎᑦᑎᔩᑦ
(BDT), AFA, ᐊᒻᒪ ᓄᓇᓕᐅᔪᖅ ᓴᖅᑭᑎᑦᑎᓂᐊᖅᑐᑦ ᐱᓕᕆᔭᐅᓂᐊᖅᑐᓂᑦ ᐱᕙᓪᓕᐊᑎᑦᑎᓂᕐᒧᑦ ᐸᕐᓇᐅᒻᒥᑦ ᓄᓇᖅᐸᓯᒻᒥ ᐃᖃᓗᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ
ᑐᕌᖓᔪᑦ ᕿᑭᕐᑕᖅᔪᐊᒧᑦ.
• ᐊᐅᓚᓂᖃᓕᕈᓂ, ᐋᖅᑭᔅᓱᐃᓗᓂ ᓇᓗᓇᐃᖅᑕᐅᓯᒪᔪᑦ ᓄᓇᓕᒻᒥ ᓄᓇᖅᐸᓯᒻᒥ ᐅᑭᐅᒃᑯᑦ ᐊᒻᒪ/ᐅᕝᕙᓘᓐᓃᑦ ᐊᐅᔭᒃᑯᑦ ᐃᖃᓗᓕᕆᓂᕐᒥᑦ ᓄᓇᓕᒻᒥ
ᐊᕐᕌᒍᑕᒫᑦ.
• ᐱᔨᑦᑎᕐᓗᓂ ᑭᒡᒐᖅᑐᐃᔨᓪᓗᐊᑕᐅᓗᓂ ᐅᑭᐅᑕᖅᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᖏᓐᓄᑦ ᐊᒻᒪ ᖃᐅᔨᒋᐊᕐᕕᐅᖃᑦᑕᕐᓗᓂ ᐱᔾᔪᑎᖃᖅᑐᓂᑦ
ᐅᑭᐅᑕᖅᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᐃᒪᐃᓐᓇᕐᒥ ᐊᐅᓚᓂᖏᓐᓄᑦ ᐊᒻᒪ ᐃᑲᔫᓯᐊᑦ ᑐᓂᔭᐅᓂᖏᓐᓄᑦ ᓇᒻᒥᓂᖃᖅᑐᓄᑦ ᓄᓇᓕᓐᓂ,
ᐱᖃᓯᐅᑎᓪᓗᑎ ᑭᓯᐊᓕ ᑭᓪᓕᒋᖏᑕᖏᑦ:
o ᐱᒡᒐᓇᖏᑦᑐᓂᑦ ᐱᔭᔅᓴᐅᑎᑦᑎᓗᓂ ᑐᑭᓯᒋᐊᕈᑎᓂᑦ ᐊᒻᒪ ᑐᑭᓯᑎᑦᑎᒋᐊᕈᑎᐅᖃᑦᑕᖅᑐᓂᑦ ᐅᑭᐅᑕᖅᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᐱᓕᕆᔭᖏᓐᓂ ᐊᒻᒪ
ᐱᔨᑦᑎᖅᑕᖏᓐᓂ ᐃᓄᓐᓄᑦ, ᓇᓪᓕᐊᒃᑯᑐᐃᓐᓇᖅ ᐃᓄᑐᐊᒡᒍᑎᑎᒍᑦ ᐅᕝᕙᓘᓐᓃᑦ ᐃᓄᓐᓂ ᑲᑎᒪᑎᑦᑎᓂᕐᒥᑦ (ᓲᕐᓗ ᓈᓚᐅᑎᒃᑯᑦ)
o ᒪᑐᖓᑎᑦᑏᓇᕐᓗᓂ ᑐᓴᐅᒪᔾᔪᑎᓕᕆᓂᕐᒧᑦ ᐅᑯᓄᖓ ᓄᓇᓕᒻᒧᑦ, ᑐᑭᒧᐊᖅᑎᑦᑎᔨ ᐊᒻᒪ ᓄᓇᓕᒻᒥ ᓂᕈᐊᖅᑕᐅᓯᒪᔪᑦ ᐊᒻᒪ ᑐᓂᓯᓗᓂ ᑐᓴᕋᔅᓴᓂᑦ
ᐅᑭᐅᑕᖅᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᒃᑯᑦ MCBR ᑭᖑᕙᖃᑦᑕᖏᑦᑐᒃᑯᑦ.
o ᐃᖅᑲᓇᐃᔭᖅᑎᑦᑎᓗᓂ ᓄᓇᓕᒻᒥ ᐃᖅᑲᓇᐃᔭᖅᑎᐅᖃᑕᐅᔪᓄᑦ ᐅᑭᐅᑕᖅᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᐃᒪᐃᓐᓇᕐᒥ ᑮᓇᐅᔭᓕᐅᕋᓱᐊᓂᕐᒧᑦ
ᐃᖃᓗᒐᓱᐊᓂᕐᒧᑦ, ᖃᐅᔨᓴᓂᕐᒧᑦ ᐃᖃᓗᒐᓱᐊᓂᕐᒧᑦ ᐅᕝᕙᓘᓐᓃᑦ ᐃᖃᓗᓕᕆᓂᕐᒧᑦ ᖃᐅᔨᓴᓂᕐᒧᑦ ᐱᓕᕆᔭᐅᔪᓂᑦ.
o ᑎᑎᕋᖅᑕᐅᓂᖏᑦ ᐊᒻᒪ ᓂᐅᕕᓂᕐᒧᑦ ᓱᓇᒃᑯᑖᓂᑦ ᐊᒻᒪ ᓂᕿᓂᑦ ᐊᕐᕌᒍᑕᒫᑦ ᑐᓂᔭᐅᕙᑦᑐᑦ ᐅᑭᐅᑕᖅᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᐅᒥᐊᕐᔪᐊᖏᓐᓄᑦ
ᐱᓕᕆᖃᑎᖃᖅᑐᑎᑦ ᓄᓇᓕᒻᒥ ᓂᕈᐊᖅᑕᐅᓯᒪᔪᓂᑦ, ᐆᒪᔪᕐᓂᐊᑎᒃᑯᑦ ᑲᑐᔾᔨᖃᑎᒌᖏᑦ, ᐊᒻᒪ ᐅᑭᐅᑕᖅᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ.
• ᑐᓴᕐᕕᖃᕐᓗᓂ ᓄᓇᓕᒻᒥᑦ ᓇᓗᓇᐃᕐᓗᒋᑦ ᐃᓅᖃᑎᒌᓐᓂᕐᒧᑦ ᑮᓇᐅᔭᓕᕆᓂᕐᒧᑦ ᐱᕙᓪᓕᐊᑎᑦᑎᕕᔅᓴᐅᔪᓐᓇᖅᑐᓂᑦ ᐊᑦᑐᐊᓂᓕᓐᓄᑦ ᐊᑐᓕᖅᑎᑕᐅᓂᖓᓄᑦ
ᐅᑭᐅᑕᖅᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᓄᓇᓕᒻᒧᑦ ᐃᑲᔫᓯᐊᓄᑦ ᐊᑐᐊᒐᐃᑦ.
• ᐊᐅᓚᑦᑎᓗᓂ ᐱᓕᕆᔭᐅᔪᓂᑦ ᐱᑕᖃᕆᐊᖃᖅᑎᑕᐅᔪᑦ ᐊᑐᓕᖅᑎᑕᐅᓗᓂ ᓄᓇᓕᒻᒧᑦ−ᓇᓗᓇᐃᖅᑕᐅᓯᒪᔪᑦ ᐱᕙᓪᓕᐊᑎᑦᑎᕕᔅᓴᐅᔪᓐᓇᖅᑐᑦ ᐊᑦᑐᐊᓂᓕᓐᓄᑦ
ᐊᑐᓕᖅᑎᑕᐅᓂᖓᓄᑦ ᐅᑭᐅᑕᖅᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᓄᓇᓕᒻᒧᑦ ᐃᑲᔫᓯᐊᓄᑦ ᐊᑐᐊᒐᐃᑦ.
• ᐱᔭᕇᕐᓗᒋᑦ ᐊᓯᖏᑦ ᐱᓕᕆᐊᖑᒋᓖᑦ ᑐᑭᒧᐊᖅᑎᑕᐅᔪᑦ ᐅᑯᓄᖓ AFA−ᑯᑦ MCBR, AFA−ᑯᑦ CDO, ᐅᕝᕙᓘᓐᓃᑦ
ᐊᓯᖏᑦ ᐃᓚᒋᔭᐅᔪᑦ ᐅᑭᐅᑕᖅᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᐊᐅᓚᑦᑎᔨᓂᑦ ᐃᖅᑲᓇᐃᔭᖅᑎᓂᑦ.
Benefits
ᑖᓐᓇ ᐃᖅᑲᓇᐃᔭᐃᓐᓇᖅᑐᖅ ᐃᖅᑲᓇᐃᔮᔅᓴᖅ ᐃᖅᑲᓇᐃᔭᕆᐊᓯᑦᑕᐅᑎᒋᓂᐊᖅᑐᖅ. ᐅᑭᐅᑕᖅᑐᒥ ᐃᖃᓗᓕᕆᓂᕐᒧᑦ
ᑲᑐᔾᔨᖃᑎᒌᑦ ᐊᑭᑦᑐᕋᐅᑎᓂᖃᖅᑐᓂᑦ ᑮᓇᐅᔭᔅᓵᖃᖅᑎᑦᑎᔪᑦ ᐊᒻᒪ ᐃᑲᔫᓯᐊᓂᑦ ᓇᓗᓇᐃᖅᑕᐅᔪᑦ ᐃᓕᓐᓂᐊᖅᓯᒪᓂᖓᓄᑦ ᐊᒻᒪ ᐃᖅᑲᓇᐃᔭᖃᑦᑕᖅᓯᒪᓂᖓᓄᑦ.
ᓂᕈᐊᖅᑕᑐᐊᖑᔪᑦ ᐊᐱᖅᓱᖅᑕᐅᓂᐊᖅᑐᑦ ᖃᐅᔨᒋᐊᕐᕕᑐᐊᖑᓂᐊᖅᑐᑦ. ᑖᓐᓇ ᐃᖅᑲᓇᐃᔮᔅᓴᖅ ᐃᖅᑲᓇᐃᔮᖅᑖᕋᓱᐊᕆᒍᒪᒍᕕᐅᒃ, ᖃᕋᓴᐅᔭᒃᑯᑦ ᐊᐅᓪᓚᑎᓪᓗᒋᑦ
ᑎᑎᕋᖅᓯᒪᔪᑦ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᐅᕗᖓ MCBR Philip@arcticfisheryalliance.com.